Сайта кӗр | Регистраци | Сайта кӗрсен унпа туллин усӑ курма пулӗ
 -9.7 °C
Туман тиха пилӗкне ан хуҫ теҫҫӗ.
[ваттисен сӑмахӗ: 6510]
 

Хыпарсем: Патшалӑх автоинспекцийӗ

Республикӑра
cap.ru сайтри сӑн
cap.ru сайтри сӑн

Муркаш округӗнче Паташлӑх автоиспекцийӗ васкавлӑ медпулӑшу бригадине кӗрт ӑшӗнчен тухма пулӑшнӑ.

Васкавлӑ медпулӑшу бригади пациент патӗнче пулнӑ, ӑна пулӑшу панӑ хыҫҫӑн каялла кайма тухнӑ. Анчах Йӳҫкассинче вӗсем юр ӑшне кӗрсе ларнӑ. Ку ҫур ҫӗр иртни 3 сехетре пулнӑ.

Тухтӑрсем инҫех мар дежурствӑра тӑракан Паташалӑх автоинспекцийӗн инспекторӗсенчен пулӑшу ыйтнӑ. Полици лейтенанчӗ Николай Кулюкин, Руслан Прокопьев стажер тата взвод командирӗн ҫумӗ Павел Кокшин машинӑна юр ӑшӗнчен алӑпа тӗксе кӑларнӑ. Кун хыҫҫӑн васкавлӑ медпулӑшу машини малалла дежурствӑна кайнӑ.

 

Пӑтӑрмахсем
Патшалӑх автоинспекцийӗ тунӑ сӑн
Патшалӑх автоинспекцийӗ тунӑ сӑн

Улатӑр хулинче 16 ҫулти каччӑ мотоциклпа ҫапӑнса вилнӗ. Ку инкек ӗнер каҫхине 22:40 сехетре пулнӑ.

Каччӑ мотоциклпа пысӑк хӑвӑртлӑхпа пырса бетон юпа ҫине пырса ҫапӑннӑ. Шел те, шлем та унӑн пурнӑҫне ҫӑлайман, вӑл ҫавӑнтах вилнӗ.

Ҫакӑ паллӑ: мотоцикла ӑна ашшӗ-амӑшӗ икӗ эрне каялла илсе панӑ. Халӗ Патшалӑх автоинспекцийӗн ӗҫченӗсем ӗҫ-пуҫа уҫӑмлатаҫҫӗ.

 

Персона
Патшалӑх автоинспекцийӗн сайтӗнчи сӑн
Патшалӑх автоинспекцийӗн сайтӗнчи сӑн

Раштав пуҫламӑшӗнче Шупашкарта 39 ҫулти Алексей Прокопьев офтальмологи пульницине машинӑпа кайнӑ чухне ӑнсӑртран тӑнне ҫухатнӑ. Юнашар 13-ри ывӑлӗ Арсений ларнӑ.

Арҫын ача ҫухалса кайман, руле ярса тытса тимер карта еннелле пӑрнӑ, чарӑнсан часрах васкавлӑ медпулӑшу чӗннӗ.

Арсение пула тухтӑрсем ашшӗне вӑхӑтра пулӑшнӑ, инсульт пуласран ҫӑлса хӑварнӑ.

Патшалӑх автоинспекцийӗн пуҫлӑхӗ Владимир Романов Арсение Тав ҫырӑвӗпе чысланӑ, парнепе хавхалантарнӑ.

Хыпар ҫӑлкуҫӗ: https://vk.com/wall-194537172_18648
 

Пӑтӑрмахсем
ШӖМ тунӑ сӑн
ШӖМ тунӑ сӑн

Ӗнер 14 сехет те 45 минутра Шупашкарти Николаев урамӗнчи 46-мӗш ҫурт ҫывӑхӗнче йывӑр тиевлӗ машина 87 ҫулти кинемее таптанӑ. Ватӑскер йывӑр сурансене пула кайран реанимацире вилнӗ.

Ҫакӑ паллӑ: водитель урӑ пулнӑ. Кӑҫал ӑна ҫул-йӗр правилисене пӑснӑшӑн явап тыттарман.

Халӗ Патшалӑх автоинспекцийӗ ку тӗслӗх тӗлӗшпе тӗрӗслев ирттерет.

Хыпар ҫӑлкуҫӗ: https://t.me/cheb_police
 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Транспор, Сывлӑх сыхлавӗн министерствисем, Патшалӑх аатоинспекцийӗ, Президент пепкелӗх центрӗ Амӑшӗн кунне халалласа акци ирттернӗ. Вӗсем Пепкелӗх центрне ҫитсе ултӑ ҫемьене автокресло парнеленӗ.

Кунсӑр пуҫне тепӗр икӗ кресло медучреждение парнеленӗ. Вӗсем унта ӑсталӑх класӗ ирттерме кирлӗ.

Хыпар ҫӑлкуҫӗ: https://t.me/mintrans21
 

Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (01.01.2026 03:00) тӗтреллӗ ҫанталӑк, атмосфера пусӑмӗ 736 - 738 мм, -8 - -10 градус сивӗ пулӗ, ҫил 2-4 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Сирӗн ку эрнере бюджета планлассине кӑна мар, профессири ят-сума та тимлӗх уйӑрмалла. Ертӳлӗх сирӗнпе мӗнле хутшӑннинчен финанс лару-тӑрӑвӗ мӗнле пуласси килет-ҫке-ха. Халӗ Ҫӗнӗ ҫул парнисене туяннӑ чухне те укҫа хӗрхенмелле мар.

Раштав, 31

1898
127
Иван Ахах, чӑваш сӑвӑҫи, ҫыравҫи, критикӗ ҫыралнӑ.
1980
45
Шупашкар ГЭСӗн пӗрремӗш гидроагрегатне хута янӑ.
1995
30
Дедушкин Николай Степанович, чӑваш критикӗ, литература тӗпчевҫи ҫут тӗнчерен уйрӑлнӑ.
2012
13
Андреев Иван Андреевич, чӑваш чӗлхи тӗпчевҫи ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
хуҫа тарҫи
ӑсатма тухни — ҫылӑх, юрамасть
кил-йышри арҫын
пӗтӗм кил-йышпа тухаҫҫӗ
хуть те кам тухсан та
хӑни ҫулне ахаль те пӗлет, ӑсатмасӑр та
хӑнана ӑсатма никам та тухмасть
хуҫа арӑмӗ
хуҫин ҫитӗннӗ ачисем